பணி அங்கீகாரம், கூடுதல் பாதுகாப்புக் கோரி வாக்குச்சாவடி அலுவலர்கள் போராட்டம்: மேற்கு வங்கத்தில் பரபரப்பு

மேற்கு வங்கத்தில் வாக்காளர் பட்டியல் சிறப்பு தீவிர திருத்த (எஸ்ஐஆர்) நடைமுறையில் ஈடுபடும் வாக்குச்சாவடி அளவிலான அலுவலர்கள், தங்களுக்கு உரிய பணி அங்கீகாரம், கூடுதல் பாதுகாப்புக் கோரி போராட்டத்தில் ஈடுபட்டதால் பரபரப்பு ஏற்பட்டது.

- 

தமிழகம், மேற்கு வங்கம், கேரளம், குஜராத், மத்திய பிரதேசம் உள்ளிட்ட 12 மாநிலங்களில் நவ. 4-ஆம் தேதிமுதல் வாக்காளர் பட்டியல் சிறப்பு தீவிர திருத்தம் மேற்கொள்ளப்பட உள்ளது. இதையொட்டி, மேற்கு வங்கத்தின் பல்வேறு மாவட்டங்களில் வாக்குச்சாவடி அளவிலான அலுவலர்களுக்கு தேர்தல் ஆணையம் சார்பில் பயிற்சி தொடங்கப்பட்டுள்ளது.

நவ. 3-ஆம் தேதி வரை நடைபெறும் இப்பயிற்சியில் எஸ்ஐஆர் நடைமுறைகளுக்குத் தேவையான பிரத்யேக தொகுப்பும், விரிவான அறிவுறுத்தல்களும் வழங்கப்படுகின்றன.