உள்நாட்டு உற்பத்தி பல மடங்கு அதிகரிப்பு

உள்நாட்டு உற்பத்திப் பொருள்களை மட்டுமே வாங்குவோம் என்ற சுதேசி கொள்கை அனைவரின் வாழ்க்கை மந்திரமாக மாற வேண்டும் என்று பிரதமர் நரேந்திர மோடி நாட்டு மக்களுக்கு வேண்டுகோள் விடுத்துள்ளார்.

- 

அகமதாபாத், ஆக. 26:

இந்தியாவுக்கு எதிராக அமெரிக்கா அறிவித்துள்ள 50 சதவீத வரி புதன்கிழமை (ஆக. 27) அமலான நிலையில் பிரதமர் இவ்வாறு கோரிக்கை விடுத்துள்ளது முக்கியத்துவம் பெற்றுள்ளது.

குஜராத் மாநிலம் அகமதாபாத் அருகே ஹன்சல்பூரில் உள்ள மாருதி சுசூகி வாகனத் தயாரிப்பு ஆலையில் அந்நிறுவனத்தின் முதல் மின்சார காரான இ-விட்டாரா பிரதமர் மோடி செவ்வாய்க்கிழமை கொடியசைத்து தொடங்கி வைத்து பேசியதாவது: மத்திய அரசு தொடங்கி வைத்த 'இந்தியாவில் தயாரிப்போம்' திட்டம் உள்நாடு, வெளிநாட்டு நிறுவனங்களிடம் நல்ல வரவேற்பைப் பெற்றுள்ளது. இப்போது இந்தியாவில் தயாரிக்கப்பட்டுள்ள இந்த மின்சார வாகனங்கள் உலகம் முழுவதும் பயன்படுத்தப்பட இருக்கிறது.