சீரமைக்கப்படுமா வெண்காட்டீஸ்வரர் கோயில் திருக்குளம்?

போதிய பராமரிப்பின்றி அவல நிலையில் உள்ள மதுராந்தகம் வெண்காட்டீஸ்வரர் கோயில் திருக்குளம் சீரமைக்கப்படுமா என பொதுமக்கள் எதிர்நோக்கியுள்ளனர்.

- எம். குமார்

மதுராந்தகம், ஆக. 10: போதிய பராமரிப்பின்றி அவல நிலையில் உள்ள மதுராந்தகம் வெண்காட்டீஸ்வரர் கோயில் திருக்குளம் சீரமைக்கப்படுமா என பொதுமக்கள் எதிர்நோக்கியுள்ளனர்.

தொண்டை மண்டலத்தின் வரலாற்று சிறப்புமிக்க மதுராந்தகம் கடப்பேரியில் அருள்மிகு மீனாட்சி உடனுறை வெண்காட்டீஸ்வரர் கோயில் உள்ளது. இந்தக் கோயிலின் தீர்த்தமாகத் திகழ்வது விடஹர நீர்த்தடாகம். சுமார் 1,000 ஆண்டுகளுக்கு முன் வடதிசை நோக்கிப் படையெடுக்க வந்த பாண்டிய மன்னர் தமது படை வீரர்களுடன் விடஹர நீர் தடாகம் அருகே குடிலை அமைத்துத் தங்கினார்.

அவருடன் பாதுகாப்புக்கு வந்த நாய் சரும நோயால் அவதிப்பட்டு வந்த நிலையில், அருகில் இருந்த நீர் தடாகத்தில் உள்ள மீன்கள் நீந்தி விளையாடுவதைப் பார்த்த அந்த நாய் நீரில் உள்ள மீன்களைச் சாப்பிட இறங்கியது. அதன்பின் நீரிலிருந்து வெளியே வந்த நாயிடம் ஒரு வித மாற்றத்தைக் கண்டார்.