யானைகள் எதிர்கொள்ளும் சவால்களும் - தீர்வுகளும்

யானைகளைப் பாதுகாப்பதற்காக கடந்த 2012-ஆம் ஆண்டு முதல் ஆண்டுதோறும் ஆகஸ்ட் 12-ஆம் தேதி உலக யானைகள் தினமாகக் கொண்டாடப்படுகிறது.

- 

திருப்பூர், ஆக.11:

உலகில் உள்ள 13 நாடுகளில் மட்டுமே காடுகளில் யானைகள் உள்ளன. அவையும் ஆப்பிரிக்க மற்றும் ஆசியக் காடுகளில் மட்டுமே வாழ்கின்றன. உலகிலுள்ள சுமார் 80 ஆயிரம் யானைகளில் 50 ஆயிரம் யானைகள் ஆப்பிரிக்காவிலும், 30 ஆயிரம் யானைகள் ஆசியாவிலும் உள்ளன.

ஆசியாவில் நீலகிரி, பிரம்மகிரி, கிழக்குத் தொடர்ச்சி மலை என தொடர்ச்சியான ஒரே வனத்தில் சுமார் 9 ஆயிரம் யானைகள் உள்ளது ஆச்சரியமான விஷயமாகப் பார்க்கப்படுகிறது.

2017-ஆம் ஆண்டு வனத் துறை மேற்கொண்ட கணக்கெடுப்பின்படி, இந்தியா முழுவதும் 29,964 யானைகள் உள்ளதும், அதில் அதிகபட்சமாக கர்நாடக மாநிலத்தில் 6,049 யானைகள், அஸ்ஸாம் மாநிலத்தில் 5,719 யானைகள், கேரளத்தில் 5,706 யானைகள், தமிழகத்தில் 2,761 யானைகள் உள்ளதும் தெரியவந்துள்ளது.

தமிழகம், கேரளம், ஆந்திரம் உள்ளிட்ட தென் மாநிலங்களை உள்ளடக்கிய தென் மண்டலத்தில் 14,612 யானைகளும், அஸ்ஸாம், அருணாசல பிரதேசம் உள்ளிட்ட வடகிழக்கு மாநில மண்டலத்தில் 10,139 யானைகள் உள்ளதாகவும் வனத் துறை தகவல் தெரிவிக்கிறது.

2023-ஆம் ஆண்டு கணக்கெடுப்பின்படி, தமிழகத்தில் மேற்குத் தொடர்ச்சி மலைப் பகுதியில் 1,858 யானைகளும், கிழக்குத் தொடர்ச்சி மலைப் பகுதியில் 1,105 யானைகள் உள்ளதும் தெரியவந்துள்ளது.