கூட்டணி அறிவிப்பை விரைவில் வெளியிடுவேன்

மக்கள் விரும்பும் கூட்டணி குறித்த அறிவிப்பை விரைவில் வெளியிடுவேன் என பாமக தலைவர் அன்புமணி ராமதாஸ் தெரிவித்தார்.

- 

மேட்டூர்/தருமபுரி, செப். 4:

தருமபுரி, சேலத்தில் நடைபெறும் பல்வேறு நிகழ்ச்சிகளில் கலந்துகொள்வதற்காக வந்த அன்புமணி ராமதாஸுக்கு தொப்பூரில் எம்எல்ஏ சதாசிவம், முன்னாள் எம்எல்ஏ கார்த்திக் உள்ளிட்ட பாமகவினர் வரவேற்பு அளித்தனர். அப்போது, அவர் பேசியதாவது:

திமுக அரசை ஆட்சியிலிருந்து தூக்கியெறிய வேண்டும். இந்த ஆட்சியில் தமிழகத்தில் பல்வேறு குற்ற சம்பவங்கள் அதிகரித்து வருகின்றன. தொழில் முதலீடு பெறுவதாகக் கூறி முதல்வர் வெளிநாடு சென்றதன் நோக்கம் எனக்குத் தெரியும். உண்மையில் தொழில் முதலீடு பெறுவதற்காக அல்ல அந்த பயணம். தேர்தல் வாக்குறுதிகளில் 13 சதவீதத்தை மட்டுமே திமுக நிறைவேற்றியுள்ளது.