ஸ்வேய்தாவில் இருந்து சிரியா படைகள் வாபஸ்

சிரியாவின் சிறுபான்மை துரூஸ் இனத்தவருக்கு ஆதரவாக இஸ்ரேல் நடத்திய தீவிர தாக்குதலைத் தொடர்ந்து, அவர்கள் பெரும்பான்மையாக வசிக்கும் ஸ்வேய்தா மாகாணத்தில் இருந்து அரசுப் படைகள் வெளியேறின.

- 

டமாஸ்கஸ், ஜூலை 17: அதையடுத்து, அரசுப் படைகளுக்கும், உள்ளூர் துரூஸ் ஆயுதக் குழுக்களுக்கும் இடையே நான்கு நாள்களாக நடைபெற்ற மோதல் முடிவுக்கு வந்தது.

இது குறித்து சிரிய அதிபர் அல்-அசாத் வியாழக்கிழமை வெளியிட்ட அறிக்கையில் தெரிவிக்கப்பட்டுள்ளதாவது: தெற்கு மாகாணமான ஸ்வேய்தாவில் இருந்து பாதுகாப்புப் படைகள் திரும்பப் பெறப்படுகின்றன. அந்தப் பகுதி பாதுகாப்பு விவகாரங்களை துரூஸ் குழுக்கள் அனுமதிக்கப்படும்.

இது போரைத் தவிர்க்கும் தேர்வாகும். நாட்டை புதிய, மிகப் பெரிய போரை நோக்கி இழுக்காமல் தவிர்க்கவும், அழிவுப் பாதையை நோக்கிச் செல்லாமல் இருக்கவும் நாங்கள் முயன்றோம். குழப்பத்துக்கும், அழிவுக்கும் பதிலாக சிரியா மக்களின் நலன்களைக் கருதி இந்த முடிவை எடுத்துள்ளோம்.