லாரி உரிமையாளர் மர்ம மரணம்: உறவினர்கள் சாலை மறியல்

சிவகங்கை அருகே இரு சக்கர வாகனம் மரத்தில் மோதிய நிலையில் இறந்து கிடந்த லாரி உரிமையாளர் மரணத்தில் சந்தேகம் இருப்பதாகக் கூறி அவரது உறவினர்கள் வியாழக்கிழமை சாலை மறியலில் ஈடுபட்டனர்.

- 

சிவகங்கை, ஆக. 21:

ராமநாதபுரம் மாவட்டம், நயினார்கோவில் அருகேயுள்ள அகரம் கிராமத்தைச் சேர்ந்தவர் தினகரன் (36). லாரி உரிமையாளர். வியாழக்கிழமை காலை சிவகங்கை அருகிலுள்ள காயங்குளம் என்ற இடத்தில் உள்ள பனை மரத்தில் இவரது இரு சக்கர வாகனம் மோதி உயிரிழந்து கிடந்தார்.

இதைத் தொடர்ந்து மானாமதுரை சிப்காட் போலீஸார் இவரது உடலை மீட்டு சிவகங்கை அரசு மருத்துவக் கல்லூரி மருத்துவமனைக்கு கூறாய்வுக்காக அனுப்பி வைத்தனர்.