தமிழகத்துக்கான நிதியை மத்திய அரசு விடுவிக்க வேண்டும்

கல்வி நிதி, தேசிய ஊரக வேலை உறுதி அளிப்புத் திட்டத்துக்கான நிதியை மத்திய அரசு தாமதமின்றி விரைந்து விடுவிக்க வேண்டும் என நிதி அமைச்சர் தங்கம் தென்னரசு தெரிவித்தார்.

- 

விருதுநகர், மார்ச் 29:

விருதுநகர் அருகேயுள்ள செங்கன்றாபுரத்தில் திமுக சார்பில் மத்திய அரசுக்கு எதிராக சனிக்கிழமை நடைபெற்ற ஆர்ப்பாட்டத்தில் அமைச்சர் தங்கம் தென்னரசு மேலும் பேசியதாவது:

மத்திய பாஜக அரசு தமிழகத்துக்குத் தர வேண்டிய நிதியை ஒதுக்காமல் காலம் தாழ்த்தி வருகிறது. தற்போது தேசிய ஊரக வேலை உறுதி அளிப்பு திட்டத்தில் பணிபுரிந்த தொழிலாளர்களுக்கும் நிதியை தர மறுக்கிறது. காங்கிரஸ் ஆட்சிக் காலத்தில் இந்தத் திட்டம் கொண்டு வரப்பட்டதால், மத்திய அரசு இதை முடக்க முயற்சிக்கிறது.