அவசர ஊர்தி ஓட்டுநர்களுக்கு பாதுகாப்பு; டிஜிபி பதிலளிக்க உயர்நீதிமன்றம் உத்தரவு

சட்டப்பேரவைத் தேர்தல் முடியும் வரை அவசர ஊர்தி ஓட்டுநர்கள், தொழில்நுட்பப் பணியாளர்களுக்கு காவல் துறை பாதுகாப்பு வழங்கக்கோரி தாக்கல் செய்யப்பட்ட மனு தொடர்பாக டிஜிபி பதிலளிக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, செப். 3:

மதுரையைச் சேர்ந்த 108 அவசர ஊர்தி ஓட்டுநர் இருளாண்டி சென்னை உயர்நீதிமன்ற மதுரை அமர்வில் தாக்கல் செய்த மனு: கடந்த மாதம் 18-ஆம் தேதி சட்டப்பேரவை எதிர்க்கட்சித் தலைவர் எடப்பாடி பழனிசாமி, வேலூர் மாவட்டத்தில் 'மக்களைக் காப்போம், தமிழகத்தை மீட்போம்' என்ற பிரசார நிகழ்ச்சியில் பேசிக் கொண்டிருந்தபோது, அவசர ஊர்தி ஒன்று கடந்து சென்றது.

இதைக் கண்ட எடப்பாடி பழனிசாமி, நோயாளி இல்லாத நிலையில் அவசர ஊர்தியை கூட்ட நெரிசலில் ஓட்டுநர் ஓட்டிச் சென்றார் எனவும், எதிர்காலத்தில் இதுபோன்ற நிகழ்வு நடைபெற்றால் அந்த அவசர ஊர்தி ஓட்டுநர், அதே வாகனத்தில் நோயாளியாகச் செல்வார் எனவும் பேசினார்.