அமெரிக்காவுடன் வர்த்தக ஒப்பந்த பேச்சு தொடர்கிறது

'அமெரிக்கா உடனான இருதரப்பு வர்த்தக ஒப்பந்த பேச்சுவார்த்தையில் குறிப்பிட்ட 'சிவப்பு கோடுகளை இந்தியா கொண்டுள்ளது.

- 

புது தில்லி, ஆக.23: அதாவது, விவசாயிகள் மற்றும் சிறு உற்பத்தியாளர்களின் நலனைப் பாதுகாப்பதில் சமரசம் செய்ய முடியாது' என்று வெளியுறவு அமைச்சர் எஸ்.ஜெய்சங்கர் திட்டவட்டமாகத் தெரிவித்தார்.

‘இருதரப்பு வர்த்தக ஒப்பந்தம் தொடர்பாக இரு நாடுகளிடையே தொடர்ந்து பேச்சுவார்த்தை நடைபெற்று வருகிறது' என்றும் அவர் குறிப்பிட்டார்.

தில்லியில் சனிக்கிழமை நடைபெற்ற 'எகனாமிக் டைம்ஸ்' உலகத் தலைவர்கள் மாநாட்டில் பங்கேற்ற வெளியுறவு அமைச்சர் ஜெய்சங்கர் பேசியதாவது:

அமெரிக்க அதிபர் டொனால்ட் டிரம்ப் உலகை கையாளும் முறை, இதுவரை பின்பற்றப்பட்டு வந்த பாரம்பரிய முறையில் இருந்து முற்றிலும் விலகியுள்ளது. அதன் காரணமாக ஒட்டுமொத்த உலகும் சிக்கலை எதிர்கொண்டு வருகிறது. அவரைப் போல வெளியுறவுக் கொள்கையை வெளிப்படையாக மேற்கொள்ளும் அமெரிக்க அதிபரை இதுவரை கண்டதில்லை.