தொகுதி மறுவரையறை: முதல்வர் எச்சரிக்கை

தொகுதி மறுவரையறை எனும் ஆபத்து நம் வாசற்படி வரை வந்தேவிட்டது என்று முதல்வர் மு.க.ஸ்டாலின் எச்சரித்துள்ளார்.

- 

சென்னை, ஜூன் 6:

இதுகுறித்து, எக்ஸ் தளத்தில் அவர் வெள்ளிக்கிழமை வெளியிட்ட பதிவு: மக்கள் தொகை கணக்கெடுப்பில் நிகழும் தாமதமும், அதைத் தொடர்ந்து நடைபெற இருக்கும் தொகுதி மறுவரையறையும் தற்செயலானவை இல்லை. தொடக்கம் முதலே எச்சரித்து வரும் ஆபத்து, நம்முடைய வாசற்படி வரை வந்து விட்டது. மத்திய பாஜக அரசு, மக்கள் தொகை கணக்கெடுப்பு மற்றும் தொகுதி மறுவரையறையைச் செயல்படுத்த உள்ள போக்கு வஞ்சகம் நிறைந்தது. மக்கள் தொகைக் கட்டுப்பாட்டு நெறிமுறைகளைப் பின்பற்றி வளர்ச்சி அடைந்த தென்மாநிலங்கள் தண்டிக்கப்பட இருக்கின்றன.