மகளிர் அனைவருக்கும் அரசு உரிமைத் தொகை வழங்க வேண்டும்

ஜனநாயக மாதர் சங்க மாநாட்டில் தீர்மானம்

- 

மதுரை, ஆக. 14: மகளிர் அனைவருக்கும் அரசு உரிமைத் தொகை வழங்க வேண்டும் என வலியுறுத்தி, ஜனநாயக மாதர் சங்கத்தின் மதுரை மாநகர் மாநாட்டில் தீர்மானம் நிறைவேற்றப்பட்டது.

அனைத்திந்திய ஜனநாயக மாதர் சங்கத்தின் மதுரை மாநகர் மாவட்ட 17-ஆவது மாநாடு வியாழக்கிழமை நடைபெற்றது. இதற்கு சங்கத்தின் மாவட்டத் தலைவர் ஆர்.லதா, நிர்வாகிகள் பாத்திமா, பிரியா ஆகியோர் தலைமை வகித்தனர். முன்னாள் மாமன்ற உறுப்பினர் மா.செல்வம் சங்கத்தின் கொடியை ஏற்றி வைத்தார். மாவட்டக் குழு உறுப்பினர் ஆர். ஜெயா அஞ்சலித் தீர்மானங்களை முன்மொழிந்தார்.

ஜனநாயக மாதர் சங்க மாநிலப் பொதுச் செயலர் ஏ. ராதிகா மாநாட்டைத் தொடங்கிவைத்துப் பேசினார். மாவட்டச் செயலர் வை. ஜென்னியம்மாள் வேலை அறிக்கையும், பொருளாளர் பா. சாந்தி நிதிநிலை அறிக்கையும் சமர்ப்பித்தனர்.