பாரா ஒலிம்பிக் வீரர் மாரியப்பன், கேரம் வீராங்கனை காஜிமாவுக்கு மாநில இளைஞர் விருது

பாரா ஒலிம்பிக் வீரர் மாரியப்பன், கேரம் வீராங்கனை காஜிமா ஆகியோருக்கு மாநில இளைஞர் விருதுகளை முதல்வர் மு.க.ஸ்டாலின் வழங்கினார்.

- 

சென்னை, ஆக. 15:

சென்னையில் வெள்ளிக்கிழமை நடைபெற்ற சுதந்திர தின விழாவில் பல்வேறு துறைகளில் சாதனைகளைப் படைத்தவர்களுக்கு விருதுகளை வழங்கினார். சிறந்த உள்ளாட்சி அமைப்புகளுக்கு விருதுகள், முதல்வரின் மாநில இளைஞர் விருதுகளை அவர் அளித்தார். அதன் விவரம்:

ஆவடி மாநகராட்சிக்கு விருது: சிறந்த நகர்ப்புற உள்ளாட்சிகளுக்கான விருதுகள் ஒவ்வொரு ஆண்டும் சுதந்திர தின விழாவின்போது வழங்கப்படுகிறது. நிகழாண்டில் ஆவடி மாநகராட்சி முதல் பரிசுக்கும், நாமக்கல் மாநகராட்சி இரண்டாவது பரிசுக்கும் தேர்வு செய்யப்பட்டன. இவ்விரு மாநகராட்சிகளுக்கும் முறையே ரூ.50 லட்சம், ரூ.30 லட்சத்துக்கான காசோலைகளை முதல்வர் வழங்கினார்.