சுங்கச்சாவடி விவகாரம்: உயர்நீதிமன்றம் வேதனை

சுங்கச் சாவடிகளில் சிறிய பிரச்னை ஏற்பட்டாலும் பொதுமக்கள் மீது தாக்குதல் நடத்தப்படுவது குறித்து சென்னை உயர்நீதிமன்ற மதுரை அமர்வு வேதனை தெரிவித்தது.

- 

மதுரை, ஜூன் 18: சுங்கச் சாவடிகளில் சிறிய பிரச்னை ஏற்பட்டாலும் பொதுமக்கள் மீது தாக்குதல் நடத்தப்படுவது குறித்து சென்னை உயர்நீதிமன்ற மதுரை அமர்வு வேதனை தெரிவித்தது.

தூத்துக்குடி மாவட்டத்தைச் சேர்ந்த பாலகிருஷ்ணன் சென்னை உயர்நீதிமன்ற மதுரை அமர்வில் தாக்கல் செய்த பொதுநல மனு: மதுரை - தூத்துக்குடி தேசிய நெடுஞ்சாலை கடந்த 2011 ஆம் ஆண்டு முதல் பயன்பாட்டில் உள்ளது. சுங்கம் வசூலிக்கும் நிறுவனம், இந்தச் சாலையின் இரு புறங்களிலும், நெடுஞ்சாலையின் நடுவிலும் செடிகளை நட்டு பராமரிப்பது உள்ளிட்ட அடிப்படை வசதிகளை ஏற்படுத்தி, சாலையைச் சரியாகப் பராமரிக்க வேண்டும்.