பூமிக்குத் திரும்பினார் சுனிதா வில்லியம்ஸ்

சர்வதேச விண்வெளி நிலையத்தில் கடந்த 286 நாள்கள் தங்கியிருந்த இந்திய வம்சாவளியைச் சேர்ந்த நாசா விண்வெளி வீரங்கனையான சுனிதா வில்லியம்ஸ் உள்பட 4 விண்வெளி வீரர்களும் பாதுகாப்பாக பூமிக்குத் திரும்பியுள்ளனர்.

- 

கேப் கனாவெரல், மார்ச் 19:

இவர்கள் பயணித்த ஸ்பேஸ்எக்ஸ் நிறுவனத்தின் டிராகன் விண்கலன், இந்திய நேரப்படி செவ்வாய்க்கிழமை காலை 10.35 மணிக்கு சர்வதேச விண்வெளி நிலையத்திலிருந்து புறப்பட்டு, சுமார் 17 மணி நேர பயணத்துக்குப் பிறகு புதன்கிழமை அதிகாலை 3.30 மணியளவில் அமெரிக்காவின் ஃபுளோரிடா மாகாணத்துக்கு அருகில் கடலில் பாராசூட்களின் உதவியுடன் பாதுகாப்பாக இறங்கியது.

இவர்களின் வருகையை உலகமே உற்று நோக்கிய நிலையில், விண்கலத்தில் இருந்து வெளியே வந்த சுனிதா வில்லியம்ஸ் புன்னகையுடன் கையசைத்து தனது மகிழ்ச்சியை வெளிப்படுத்தினார்.

அமெரிக்காவின் போயிங் நிறுவனம் தயாரித்த ஸ்டார்லைனர் விண்கலத்தில் நாசா விண்வெளி வீரர்களான சுனிதா வில்லியம்ஸ், பேரி வில்மோர் இருவரும் கடந்த ஆண்டு ஜூன் 5-ம் தேதி சர்வதேச விண்வெளி நிலையத்துக்குச் சென்றனர்.