கெளஃபுடன் மோதுகிறார் பாலினி

அமெரிக்காவில் நடைபெறும் சின்சினாட்டி மாஸ்டர்ஸ் டென்னிஸ் போட்டியில், மகளிர் ஒற்றையர் காலிறுதியில் அமெரிக்காவின் கோகோ கெளஃப் - இத்தாலியின் ஜாஸ்மின் பாலினி ஆகியோர் மோதுகின்றனர்.

- 

சின்சினாட்டி, ஆக. 15:

முன்னதாக ரவுண்ட் ஆஃப் 16-இல், உலகின் 2-ஆம் நிலை வீராங்கனையும், 2 முறை கிராண்ட்ஸ்லாம் வென்றவருமான கெளஃப் 6-2, 6-4 என்ற நேர் செட்களில், இத்தாலியின் லூசியா புரான்ஸெட்டியை 1 மணி நேரம், 19 நிமிஷங்களில் தோற்கடித்தார். இதன் மூலமாக கெளஃப், இந்தப் போட்டியில் 2-ஆவது முறையாக காலிறுதிக்கு முன்னேறியிருக்கிறார்.

மற்றொரு ஆட்டத்தில், போட்டித்தரவரிசையில் 7-ஆம் இடத்தில் இருப்பவரும், இருமுறை கிராண்ட்ஸ்லாம் இறுதிக்கு வந்தவருமான பாலினி 6-1, 6-2 என்ற நேர் செட்களில், மிக எளிதாக 2 முறை கிராண்ட்ஸ்லாம் சாம்பியனான செக் குடியரசின் பார்பரா கிரெஜ்சிகோவாவை 1 மணி நேரம், 11 நிமிஷங்களில் வெளியேற்றினார். இந்த வெற்றியின் மூலமாக பாலினியும், சின்சினாட்டி ஓபனில் 2-ஆவது முறையாக காலிறுதிக்கு வந்துள்ளார்.