குற்றஞ்சாட்டப்பட்டவர்களை விசாரிக்க கிரிக்கெட் மைதானம்தான் தேவைப்படும்

முன்னாள் அமைச்சர் வி. செந்தில் பாலாஜி தொடர்பான வழக்குகளில் 2,000-க்கும் மேற்பட்டவர்களை குற்றஞ்சாட்டப்பட்டவர்களாக சேர்த்ததற்காக தமிழக அரசை உச்சநீதிமன்றம் புதன்கிழமை கடிந்து கொண்டது.

- நமது நிருபர்

நமது நிருபர் புது தில்லி, ஜூலை 30:

மேலும், அனைத்து குற்றஞ்சாட்டப்பட்டவர்கள், சாட்சிகளின் விவரங்களைத் தெரிவிக்குமாறு கூறிய உச்சநீதிமன்றம், இத்தனை அதிகமான எண்ணிக்கையில் குற்றஞ்சாட்டப்பட்டவர்கள் வழக்கில் சேர்க்கப்பட்டிருப்பதால் விசாரணை நடத்த கிரிக்கெட் மைதானம்தான் தேவைப்படும் என்று கூறியது.

இது தொடர்பான விவகாரத்தை விசாரித்த உச்சநீதிமன்ற நீதிபதிகள் சூர்ய காந்த் மற்றும் ஜாய்மால்ய பாக்சி ஆகியோர் அடங்கிய அமர்வு, செந்தில் பாலாஜி சம்பந்தப்பட்ட வழக்குகளின் விசாரணையை 'திசைகாட்டி இல்லாத கப்பல்' என்று குறிப்பிட்டது.

மேலும், நீதித்துறை தலையீடு இல்லாமல் இருந்திருந்தால், வேலைக்கான பண மோசடி வழக்கில் முன்னாள் அமைச்சர் செந்தில் பாலாஜி சம்பந்தப்பட்ட வழக்குகளை 'தயக்கம் காட்டும் அரசு' கண்ணியமாக முடிக்க விரும்பியது என்று கூறியது.