ஆக்கிரமிப்பு காஷ்மீர் மீட்கப்படும்

மாநிலங்களவையில் அமித் ஷா உறுதி

- 

புது தில்லி, ஜூலை 30: காங்கிரஸால் தாரைவார்க்கப்பட்ட பாகிஸ்தான் ஆக்கிரமிப்பு காஷ்மீரை பாஜக அரசு மீட்கும் என்று மாநிலங்களவை பதிலுரையில் மத்திய உள்துறை அமைச்சர் அமித் ஷா உறுதிபடக் கூறினார்.

ஜம்மு-காஷ்மீரில் பயங்கரவாதம் ஒழிக்கப்படும் நிலையில் உள்ளது; அங்கு பயங்கரவாதத்துக்கு விரைவில் முடிவுகட்டப்படும் என்றும் அவர் தெரிவித்தார்.

ஜம்மு-காஷ்மீரில் உள்ள சுற்றுலாத் தலமான பஹல்காமில் கடந்த ஏப்ரல் 22-ஆம் தேதி பயங்கரவாதிகள் துப்பாக்கியால் சுட்டனர். 26 பேர் கொல்லப்பட்ட இத்தாக்குதலுக்கு பதிலடியாக, பாகிஸ்தான் மீது இந்தியா அபரேஷன் சிந்தூர் நடவடிக்கையை மேற்கொண்டது.

பஹல்காம் பயங்கரவாதிகள் எங்கே என்று எதிர்க்கட்சிகள் கேள்வி எழுப்பிவந்த சூழலில், ஐந்து-காஷ்மீரின் ஸ்ரீநகர் அருகே சில தினங்களுக்கு முன் ராணுவத்தினர் மேற்கொண்ட அபரேஷன் மகா தேவ் நடவடிக்கையில் அந்த பயங்கரவாதிகள் மூவர் சுட்டுக் கொல்லப்பட்டனர். எதிர்க்கட்சிகளுக்கு பதிலளிக்கும் வகையில், இது தொடர்பாக நாடாளுமன்றத்தில் அறிவிக்கப்பட்டது.