நீதிபதி யஷ்வந்த் வர்மா பதவிநீக்க பரிந்துரை 208 எம்.பி.க்கள் நோட்டீஸ் சமர்ப்பிப்பு

208 எம்.பி.க்கள் நோட்டீஸ் சமர்ப்பிப்பு

- 

புது தில்லி, ஜூலை 21: வீட்டில் கட்டுக் கட்டாகப் பணம் கண்டறியப்பட்ட விவகாரத்தில், நீதிபதி யஷ்வந்த் வர்மாவை பதவியிலிருந்து நீக்க 208 எம்.பி.க்கள் நோட்டீஸ் சமர்ப்பித்துள்ளனர்.

நீதிபதி பதவியிலிருந்து ஒருவரை நீக்குவதற்கான தீர்மான நோட்டீஸில் குறைந்தபட்சம் 100 மக்களவை உறுப்பினர்கள், 50 மாநிலங்களவை உறுப்பினர்கள் கையொப்பமிட வேண்டும்.

இந்நிலையில், அரசமைப்புச் சட்டத்தின் 124,217,218 ஆகிய பிரிவுகளின்படி, நீதிபதி யஷ்வந்த் வர்மாவை பதவிநீக்கம் செய்வதற்கான தீர்மான நோட்டீஸ் மக்களவைத் தலைவர் ஓம் பிர்லாவிடம் சமர்ப்பிக்கப்பட்டது. அதில் மக்களவை எதிர்க்கட்சித் தலைவர் ராகுல் காந்தி, பாஜக எம்.பி.க்கள் ரவிசங்கர் பிரசாத் மற்றும் அனுராக் தாக்குர், சரத் பவாரின் தேசியவாத காங்கிரஸ் எம்.பி. சுப்ரியா சுலே, காங்கிரஸ் எம்.பி.க்கள் கே.சி.வேணுகோபால், கே.சுரேஷ், மக்களவை திமுக குழுத் தலைவர் டி.ஆர். பாலு உள்ளிட்ட 145 மக்களவை உறுப்பினர்கள் கையொப்பமிட்டுள்ளனர்.

இந்த நோட்டீஸ் சமர்ப்பிக்கப்பட்டதை மத்திய சட்டத் துறை அமைச்சர் அர்ஜூன் ராம் மேக்வால் உறுதி செய்தார்.