திமுகவின் ஓரணியில் தமிழ்நாடு உறுப்பினர் சேர்க்கைக்கு ‘ஓடிபி’ பெறத் தடை

திமுகவின் ‘ஓரணியில் தமிழ்நாடு’ உறுப்பினர் சேர்க்கை பணியின் போது வாக்காளர்களிடமிருந்து ஒருமுறை கடவுச்சொல் (ஓ.டி.பி.) எண் பெறுவதற்கு இடைக்காலத் தடை விதித்து, உயர் நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஜூலை 21:

சிவகங்கை மாவட்டம், திருப்புவனத்தைச் சேர்ந்த ராஜ்குமார் சென்னை உயர்நீதிமன்ற மதுரை அமர்வில் தாக்கல் செய்த மனு: ‘ஓரணியில் தமிழ்நாடு’ என்ற பெயரில் திமுகவினர் சட்டவிரோதமாக பொதுமக்களின் ஆதார் விவரங்களைச் சேகரிக்கின்றனர். இதுதொடர்பாக மத்திய அரசு, ஆதார் தலைமைச் செயல் அலுவலர் ஆகியோர் விசாரணை நடத்தி, திமுக பொதுச் செயலர் மீது சட்ட நடவடிக்கை எடுக்க உத்தரவிட வேண்டும் என அவர் கோரியிருந்தார்.

இந்த மனு உயர்நீதிமன்ற நீதிபதிகள் எஸ்.எம். சுப்பிரமணியம், ஏ.டி. மரிய கிளாட் அமர்வு முன் திங்கள்கிழமை விசாரணைக்கு வந்தது.