சிதம்பரம் உதவி ஆட்சியர் அலுவலகம் முன் மார்க்சிஸ்ட் தர்னா

செங்கல் சூளையில் இருளர் சமுதாய மக்களை கொத்தடிமைகளாக நடத்தியதாகவும், அதன் உரிமையாளர் மீது நடவடிக்கை எடுக்கக் கோரி, சிதம்பரம் உதவி ஆட்சியர் அலுவலகம் முன் மார்க்சிஸ்ட் கம்யூனிஸ்ட் கட்சியினர் திங்கள்கிழமை தர்னாவில் ஈடுபட்டனர்.

- 

சிதம்பரம், ஜூன் 23:

சிதம்பரம் அருகே உடையான்மேடு கிராமத்தைச் சேர்ந்தவர் பாலாஜி. இவர் தனது மனைவியுடன் திருவாரூர் அருகே திருசேறை கிராமத்தில் செல்வகுமார் என்பவருக்குச் சொந்தமான செங்கல் சூளையில் பணியாற்றினராம். அப்போது, இவர்களை கொத்தடிமைகளாக நடத்தியுள்ளனர்.

செங்கல் சூளை பணியின் போது, மழை பெய்ததால் 13 ஆயிரம் செங்கல் சேதமடைந்த நிலையில், அதற்கு பாலாஜி மனைவிதான் காரணம் எனக் கூறி பணம் கேட்டு மிரட்டினராம். அவர்கள் உடையான்மேடுக்கு வந்த நிலையில், அங்கு வந்த செல்வகுமார் பணம் கேட்டு மிரட்டினராம்.