தில்லி கார் வெடிப்பு பயங்கரவாதச் செயல்

மத்திய அமைச்சரவை கண்டனம்

- 

தில்லி செங்கோட்டை அருகே திங்கள்கிழமை மாலையில் நடந்த கார் வெடிப்புச் சம்பவத்தை தேசவிரோத சக்திகள் இழைத்த பயங்கரவாதச் செயல் என்று மத்திய அரசு புதன்கிழமை அறிவித்தது. மேலும், இந்தச் சம்பவத்துக்கு கடும் கண்டனத்தையும் தெரிவித்தது.

பாதுகாப்புக்கான மத்திய அமைச்சரவைக் குழுக் கூட்டம் தில்லியில் பிரதமர் நரேந்திர மோடி தலைமையில் புதன்கிழமை மாலை நடைபெற்றது. இதில், தில்லி கார் வெடிப்பு சம்பவத்தில் உயிரிழந்தவர்களுக்கு ஆழ்ந்த இரங்கல் தெரிவிக்கப்பட்டு இரண்டு நிமிடங்களுக்கு மௌன அஞ்சலி செலுத்தப்பட்டது. இதைத் தொடர்ந்து, தில்லி சம்பவம் தொடர்பாக தீர்மானங்கள் நிறைவேற்றப்பட்டன.

அமைச்சரவை தீர்மானங்கள் குறித்து மத்திய தகவல், ஒலிபரப்பு மற்றும் ரயில்வே துறை அமைச்சர் அஸ்வினி வைஷ்ணவ் செய்தியாளர்களிடம் கூறியதாவது:

தில்லி செங்கோட்டை அருகே 2025 நவம்பர் 10-ஆம் தேதி மாலையில் ஒரு காரை வெடிக்கச் செய்ததன் மூலம், தேசவிரோத சக்திகளால் நடத்தப்பட்ட ஒரு கொடூரமான பயங்கரவாதச் சம்பவத்தை நாடு சந்தித்தது. இந்த வெடிப்பில் பலர் உயிரிழந்தனர். மேலும் பலர் காயமடைந்தனர்.

உயிரிழந்தவர்களுக்கு அஞ்சலி: