16 மாநகராட்சிகளுடன் 158 நகர - ஊரகப் பகுதிகள் இணைப்பு - தமிழக அரசு உத்தேச முடிவு

சென்னை, ஜன. 1: தமிழகத்தில் 16 மாநகராட்சிகளுடன் 158 நகர்ப்புற மற்றும் ஊரகப் பகுதிகளை இணைக்க மாநில அரசு உத்தேசமாக முடிவு செய்துள்ளது.

- 

இதற்கான உத்தரவுகளை நகராட்சி நிர்வாகம் மற்றும் குடிநீர் வழங்கல் துறை வெளியிட்டுள்ளது.

இதுகுறித்து அந்தத் துறையின் சார்பில் புதன்கிழமை வெளியிடப்பட்ட செய்தி: தமிழகத்தில் கடந்த 2021-ஆம் ஆண்டு ஆறு புதிய மாநகராட்சிகள் மற்றும் 28 நகராட்சிகள் உருவாக்கப்பட்டன.

கடந்த ஆகஸ்ட் 10-ஆம் தேதி திருவண்ணாமலை, நாமக்கல், காரைக்குடி, புதுக்கோட்டை ஆகிய 4 மாநகராட்சிகளை மாநில அரசு உருவாக்கியது.

அதாவது, நான்கு மாநகராட்சிகளுக்கு அருகிலுள்ள 2 பேரூராட்சிகள், 46 ஊராட்சிகளை இணைத்து, அனைத்து சட்ட நடைமுறைகளையும் பின்பற்றி மாநகராட்சிகள் உருவாக்கப்பட்டுள்ளன.

இத்துடன் மாமல்லபுரம், ஸ்ரீபெரும்புதூர், திருவையாறு ஆகிய பேரூராட்சிகளை நகராட்சியாகத் தரம் உயர்த்தவும் தமிழக அரசு உத்தேசமாக முடிவு செய்துள்ளது.

உள்ளாட்சிகள் மறுசீரமைப்பு: மாநிலத்தில் 28 மாவட்டங்களில் உள்ள கிராம ஊராட்சிகளில் தேர்ந்தெடுக்கப்பட்ட பிரதிநிதிகளின் பதவிக் காலம் வரும் 5-ஆம் தேதியுடன் நிறைவடைகிறது.