உத்தவ் - பவார் கட்சிகளுக்கு இடையே தொகுதிப் பங்கீடு

மகாராஷ்டிர பேரவைத் தோ்தலில் எதிா்கட்சிகளின் மகா விகாஸ் அகாடி கூட்டணியில் சிவசேனை (உத்தவ்)-தேசியவாத காங்கிரஸ் (பவாா்) இடையே தொகுதி பங்கீடு நிறைவடைந்ததாக சிவசேனை (உத்தவ்) கட்சியின் மாநிலங்களவை எம்.பி. சஞ்சய் ரெளத் தெரிவித்தாா்.

- 

மகாராஷ்டிரத்துக்கான காங்கிரஸ் மேலிட பொறுப்பாளா் ரமேஷ் சென்னிதலா முன்னாள் முதல்வா் உத்தவ் தாக்கரேவை சனிக்கிழமை சந்தித்துப் பேசிய நிலையில், எதிா்க்கட்சி கூட்டணியில் தொகுதி பங்கீடு விரைவில் முடிவடையும் என எதிா்பாா்க்கப்படுகிறது.

மகாராஷ்டிரத்தில் தற்போது முதல்வா் ஏக்நாத் ஷிண்டே தலைமையில் பாஜக, துணை முதல்வா் அஜீத் பவாரின் தேசியவாத காங்கிரஸ் கூட்டணி ஆட்சி நடைபெற்று வருகிறது.

இந்நிலையில், 288 இடங்களைக் கொண்ட மாநில சட்டப்பேரவைக்கு அடுத்த மாதம் 20-ஆம் தேதி தோ்தல் நடைபெறுகிறது. எதிா்க்கட்சி கூட்டணியில் காங்கிரஸுடனான பேச்சுவாா்த்தையில் உடன்பாடு எட்டப்படாததால் தொகுதி பங்கீட்டில் இழுபறி நீடிக்கிறது.

இந்நிலையில், செய்தியாளா்களைச் சந்தித்த எம்.பி. சஞ்சய் ரௌத் கூறுகையில், ‘தற்போதைய தேசிய அரசியலில் மாநில கட்சிகள்தான் ஆதிக்கம் செலுத்துகின்றன. தெலுங்கு தேசம், ஐக்கிய ஜனதா தளம் போன்ற பிராந்திய கட்சிகளின் உதவியுடன்தான் நரேந்திர மோடி நாட்டின் பிரதமரானாா். ‘இண்டியா’ கட்சிகளின் கூட்டணியிலும் பெரும்பான்மையாக மாநில கட்சிகளே உள்ளன. மாநில கட்சிகளுக்கு அந்தந்த மாநிலங்களில் உரிய முக்கியத்துவம் அளிக்கப்பட வேண்டும்.