வனத் துறையினர் துப்பாக்கிச் சூட்டில் ஒருவர் உயிரிழப்பு - உறவினர்கள் சாலை மறியல்

தேனி கூடலூர் மாவட்டம், அருகே சனிக்கிழமை இரவு வனப்பகுதியில் அத்து மீறி நுழைந்தவர் கத்தியால் தாக்க முயன்றபோது, வனத் துறையினர் துப்பாக்கியால் சுட்டதில் அவர் உயிரிழந்தார்.

- 

விளைநிலத்துக்கு காவல் பணிக்குச் சென்றவரை வனத் துறையினர் துப்பாக்கியால் சுட்டதாகவும், துப்பாக்கிச்சூடு நடத்தியவர்கள் மீது நடவடிக்கை எடுக்க வலியுறுத்தியும் உயிரிழந்தவரின் உறவினர்கள் ஞாயிற்றுக்கிழமை சாலை மறியலில் ஈடுபட்டனர்.

கூடலூர் வனச்சரகம் லோயர் கேம்ப் பிரிவு, கப்புவாமடை பீட், வண்ணாத்திப்பாறை காப்புக்காடு, முடாரி சரகம் பகுதியில் சிலர் மின் வேலி அமைத்து விலங்குகளை வேட்டையாடுவதாக வனத் துறையினருக்கு தகவல் கிடைத்தது.

இதையடுத்து, வனவர் திருமுருகன் தலைமையில் வனத் துறையினர் அந்தப் பகுதியில் சனிக்கிழமை இரவு கண்காணிப்புப்பணியில் ஈடுபட்டனர். அப்போது, யானைப் புகா அகலி வழியாக முடநாரி புதுப்பாலம் நோக்கி வனத் துறையினர் சென்றபோது, அங்கு தரையில் கம்பி கட்டப்பட்டிருந்ததை வனக் காவலர் சுமன் பார்த்து, வனவர் திருமுருகனிடம் கூறினார்.