അവസരങ്ങളുടെ വാതിൽ നഴ്സിങ് പഠനം

കേരളത്തിലും ഇതരസംസ്ഥാനങ്ങ ളിലും മാത്രമല്ല ലോകമെങ്ങും മികച്ച ജോലിയും വരുമാനവും ഉറപ്പാക്കുന്നതാണ് നഴ്സിങ് പഠനം. നഴ്സിങ്ങിലെ മികച്ച പഠനസാധ്യതകളും അനുബന്ധ പഠനമേഖലകളും പരിചയപ്പെടാം.

- നിസാർ പെറുവാഡ്

ലോകത്ത് എവിടെയും എക്കാലത്തും ഒഴിച്ചു കൂടാനാവാത്ത, ആദരവ് അർഹിക്കുന്ന ജോലിയാണു നഴ്സിങ്. ആശുപത്രിയുടെ ഹൃദയത്തുടി പ്പ് ഡോക്ടർമാരാണെങ്കിൽ, അതിന്റെ സിരകളും ധമനികളും നഴ്സുമാരാണ്.

നിർമിതബുദ്ധിയും (AI) സാങ്കേതികവിദ്യയും പല തൊഴിലുകളിലും മനുഷ്യവിഭവത്തിന്റെ ആവശ്യകത കുറയ്ക്കുമ്പോൾ, നഴ്സിങ്ങിന്റെ പ്രാധാന്യം കൂടുന്നതേയുള്ളൂ. സഹാനുഭൂതി, ക്ഷമ, സ്നേഹത്തോടെയുള്ള പരിചരണം എന്നിവയൊന്നും ഒരു യന്ത്രത്തിനും പകരം വയ്ക്കാനാവില്ലല്ലോ.

സ്റ്റാഫ് നഴ്സ് ആയി ജോലി തുടങ്ങുന്നയാൾക്ക് പരിചയവും കഴിവും കൊണ്ട് പടിപടിയായി സീനിയർ നഴ്സ്, നഴ്സിങ് സൂപ്പർവൈസർ, ഹെഡ് നഴ്സ്, നഴ്സിങ് സൂപ്രണ്ട്, നഴ്സിങ് ഡയറക്ടർ/ചീഫ് നഴ്സിങ് ഓഫിസർ എന്നിങ്ങനെ ഉയർന്ന തസ്തികകളിലേക്ക് എത്തിച്ചേരാൻ സാധിക്കും.

വേണം അഭിരുചികൾ

വെറുമൊരു ജോലി എന്നതിലുപരി അർപ്പണബോധം ആവശ്യമുള്ള സേവനം കൂടിയാണു നഴ്സിങ്. ഈ മേഖലയിൽ ശോഭിക്കാൻ അതിനനുസൃതമായ പ്രത്യേക അഭിരുചികളും കഴിവുകളും അത്യാവശ്യമാണ്.

ക്ഷമയും സഹാനുഭൂതിയും (Empathy): രോഗികളുടെ വേദനയും മാനസികാവസ്ഥയും അവരുടെ സ്ഥാനത്തു നിന്നു മനസ്സിലാക്കാനും അതിനനുസരിച്ചു പെരുമാറാ നുമുള്ള കഴിവ് അനിവാര്യം.

സൂക്ഷ്മതയും കൃത്യനിഷ്ഠയും മരുന്നുകളുടെ അളവ്, നൽകേണ്ട സമയം, ചികിത്സാരേഖകൾ എന്നിവ കൈകാര്യം ചെയ്യുമ്പോൾ ചെറിയ പിഴവുപോലും രോ ഗിയുടെ ജീവന് ആപത്തായേക്കാം. അതിനാൽ അതീവ ശ്രദ്ധയും സൂക്ഷ്മതയും വേണം.

മാനസികവും ശാരീരികവുമായ കരുത്ത്: ദീർഘനേ രമുള്ള ജോലി, രാത്രി ഷിഫ്റ്റുകൾ, വൈകാരികമായി തളർത്തുന്ന സാഹചര്യങ്ങൾ എന്നിവയെല്ലാം തരണം ചെയ്യാനുള്ള കരുത്തു വേണം.

മികച്ച ആശയവിനിമയ ശേഷി: ഡോക്ടർമാർ, സഹപ്രവർത്തകർ, രോഗികൾ, അവരുടെ ബന്ധുക്കൾ എന്നിവരുമായി വ്യക്തവും കൃത്യവുമായി ആശയവിനി മയം നടത്തേണ്ടത് അത്യാവശ്യമാണ്.

പ്രതിസന്ധികളെ നേരിടാനുള്ള കഴിവ്. അടിയന്തര സാഹചര്യങ്ങളിൽ പതറാതെ, പെട്ടെന്നു തീരുമാനമെടുക്കാനും പ്രവർത്തിക്കാനും കഴിയണം.

പഠനവഴികൾ പലത്

പ്ലസ് ടുവിനുശേഷം തിരഞ്ഞെടുക്കാവുന്ന പ്രധാന നഴ്സിങ് കോഴ്സുകൾ ഇവയാണ്: