Akram Youth Gujarati - એડજસ્ટ એવરીવ્હેર | July 2013 | અક્રમ યુથ

I dette nummeret

"‘એડજસ્ટ’ થવાના ફાયદાઓ
મારા કોલેજના દિવસોમાં, મારા એક મિત્રનેે ખૂબ વાગ્યું તેમજ પગે છોલાઈ ગયું હતું. એને પૂછ્યું તો એણે જણાવ્યું કે એ સાઈકલ ચલાવતો હતો ત્યારે એક મોટરસાઈકલવાળો રોંગ સાઈડમાં આવ્યો. સામેવાળાની ભૂલ છે એમ વિચારીને એણે સાઈડ ના આપી અને એટલે એ આ હાલતમાં પહોંચ્યો. એ ‘એડજસ્ટમેન્ટ’ લેવા તૈયાર ન હતો એટલે દુઃખી થયો. આ ઘટનાના વર્ષો પછી મને આ સીધું-સરળ પરંતુ અસરકારક “એડજસ્ટમેન્ટ”નું વિજ્ઞાન પૂજ્ય દાદાશ્રીની દ્રષ્ટિએ જાણવા મળ્યું.
હું તમને ખાત્રી આપું છું કે આ સરળ સમજણને જીવનમાં ઉતારવાથી તમારી સામે આવનારી અનેક સમસ્યાઓનું નિરાકરણ થઈ શકશે અને આ યાત્રા કે જેને જીવન કહેવામાં આવે છે એ સુખમય બની જશે. આ અંકની કવર સ્ટોરી આ વિષય પર છે જેનાથી વધારે સમજણ મળી શકશે. આ ઉપરાંત ‘તમારી શક્તિ ખીલવો’(પાનાનં. :૨૦) વાર્તા પરથી આપણને આપણી ખામીઓ વિશે દુઃખી થવા કરતાં આપણાં ગુણો પર ધ્યાન કેન્દ્રિત કરવામાં હેલ્પ થશે.
નવા લૂક, નવી વાતોને જોઈશું સાથે નવા લેખો જેવા કે, ‘કવર સ્ટોરી’ (પાના નં. : ૦૪) ‘જ્ઞાની આશ્ચર્યની પ્રતિમા’(પાના નં.ઃ૧૬), ‘અક્રમપિડીયા’ (પાના નં. : ૧૮), ની સાથે દર વખતે પ્રસ્તુત થતા લેખો જેવાં કે,‘સમાધાન આપણી મૂંઝવણોના’(પાના નં. : ૦૭), ‘મહાન પુરુષોની ઝાંખીઆ (પાના નં.ઃ ૧૦), ‘દાદાશ્રીના પુસ્તકની ઝલક’ (પાના નં. : ૧૨), ‘વિજ્ઞાન અને તેની શોધખોળ’ (પાના નં. : ૧૫) પણ જોઈશું.
અમારો ભાવ એવો છે કે દરેક ‘અક્રમ યુથ’ના અંકમાં શક્ય હોય એટલી વાંચનની સામગ્રી રાખીએ જેથી એ એક આલ્હાદક અનુભવ બની રહે.
"