Protein സൂപ്പ്

ഊതിക്കുടിക്കാൻ ചിക്കനും ബീഫും പയറും കൊണ്ടു രുചിയുള്ള മൂന്നു സൂപ്പുകൾ.

- അമ്മു മാത്യു

ചിക്കൻ സൂപ്പ്

1. ചിക്കന്റെ നെഞ്ചുഭാഗം - ഒന്ന്
2. സൂപ്പ് ക്യൂബ് ഒന്ന്
3. മുട്ട രണ്ട്, മെല്ലേ അടിച്ചത്
4.കോൺഫ്ളോർ രണ്ടു വലിയ സ്പൂൺ
വെള്ളം കാൽ കപ്പ്
5. ഉപ്പ്, കുരുമുളകുപൊടി പാകത്തിന്

പാകം ചെയ്യുന്ന വിധം

ചിക്കന്റെ നെഞ്ചുഭാഗവും ബാക്കി വരുന്ന കഴുത്തും എല്ലും മറ്റും ചേർത്തു തിളപ്പിച്ചൂറ്റി മൂന്നു കപ്പ് സൂപ്പ് തയാറാക്കണം.

ബാക്കി വരുന്ന ചിക്കന്റെ നെഞ്ചുഭാഗം പിച്ചിക്കീറി വയ്ക്കണം. സൂപ്പും സൂപ്പ് ക്യൂബും ഒരു പാനിലാക്കി തിളപ്പിക്കുക.

നന്നായി തിളച്ച ശേഷം ഇതിലേക്കു മുട്ട നൂലു പോ ലെ ഒഴിക്കണം. ഒഴിക്കുന്ന സമയത്തു തവി കൊണ്ടു തുടരെ ഇളക്കിക്കൊണ്ടിരിക്കണം.

ഇതിലേക്കു കോൺഫ്ളോർ വെള്ളത്തിൽ കലക്കിയതും ഒഴിച്ചിളക്കുക.

സൂപ്പ് കുറുകി വരുമ്പോൾ അടുപ്പിൽ നിന്നു വാങ്ങണം. അധികം കുറുകിപ്പോകരുത്. പാകത്തിനുപ്പും കുരുമുളകുപൊടിയും ചേർക്കുക.