ആർത്തവ വിരാമ ലക്ഷണങ്ങൾ

പൊതുവെ ആർത്തവം 45-55 വയസ്സിനിടയിൽ ആണ് പൂർണമായും നിൽക്കുന്നത്.

- Dr. Sreelakshmi. K.S BAMS, MD(Kaya Chikitsa) Pockanchery Eye Care Clinic Valapad, Thrissur Phone: [phone]

എനിക്ക് ഇപ്പോൾ 56 വയസ്സുണ്ട്. എന്റെ 52-ാം വയസ്സിൽ ആർത്തവം നിന്നതാണ്. അതിന് ശേഷം ശരീരം മുഴുവൻ ചൂട് അനുഭവപ്പെടുന്നു. മാത്രമല്ല പെട്ടെന്ന് ദേഷ്യം, വിഷമം ഇവ മാറി മാറി വരുകയും ചെയ്യുന്നു. എന്താണ് ഇതിന് കാരണം? ആയുർവേദത്തിൽ പരിഹാരമുണ്ടോ?

നിങ്ങളുടെ ഈ ബുദ്ധിമുട്ടുകളെ ആർത്തവവിരാമ ലക്ഷണങ്ങൾ ആയി മനസ്സിലാക്കാം. ആർത്തവം (Menstruation) സ്ത്രീശരീരത്തിൽ സ്വാഭാവികമായും നടക്കുന്ന ഒരു പ്രക്രിയയാണ്. ക്രമേണ മധ്യവയസ്സിൽ പൊതുവെ ബഹുഭൂരിപക്ഷം സ്ത്രീകളിലും ആർത്തവം പൂർണമായും അവസാനിക്കുന്നു. ഈ അവസ്ഥയെയാണ് പൊതുവെ ആർത്തവവിരാമം അല്ലെങ്കിൽ Menopause എന്ന് പറയുന്നത്. ചിലരിൽ ആർത്തവം അവസാനിക്കുന്നതിന് മുൻപായിട്ടോ അവസാനിച്ചതിന് ശേഷമോ ശാരീരികമായും മാനസികമായും ബുദ്ധിമുട്ടുകൾ കണ്ടുവരുന്നു. അങ്ങനെ ആർത്തവവിരാമത്തോട് അനുബന്ധിച്ച് സ്ത്രീകളിൽ അനുഭവപ്പെടുന്ന ബുദ്ധിമുട്ടുകളെ ആർത്തവവിരാമ ലക്ഷണങ്ങൾ അഥവാ Post menopausal syndrome എന്ന് പറയുന്നു. സ്ത്രീകളുടെ അണ്ഡാശയത്തിൽ (Ovary) നിന്ന് ക്രമേണ അണ്ഡ ഉത്പാദനം ആർത്തവവിരാമത്തോടെ അവസാനിക്കുന്നു. അതിന്റെ ഫലമായി ശരീരത്തിൽ ഈസ്ട്രജൻ (Estrogen) പ്രൊജെക്ട്രോൺ (Progesterone) എന്നീ ഹോർമോണുകളുടെ അളവിൽ മാറ്റം ഉണ്ടാകുന്നു. ഈസ്ട്രജൻ എന്ന ഹോർമോൺ ഗണ്യമായി കുറയുന്നതിന്റെ ഭാഗമായി ശരീരത്തിൽ പലവിധ ബുദ്ധിമുട്ടുകളും ഉണ്ടാകുന്നു.

പൊതുവെ ആർത്തവം 45-55 വയസ്സിനിടയിൽ ആണ് പൂർണമായും നിൽക്കുന്നത്.