సింగిల్ పేజీ కథ ఆర్.సి.

స్వాతిముత్యాలు

- కృష్ణస్వామి రాజు

ఇంజినీరింగ్ ఫైనల్ ఇయర్ చదువుతున్నాడు.అగస్త్యనంద. తను ఉండే తిరుపతి నుంచి  చిత్తూరులోని తన కాలేజీకి రోజూ రైల్లో వెళ్లి వస్తాడు.నిత్యం రైల్వే స్టేషన్లో కనిపించే బిచ్చగాళ్లను చూసి జాలి పడేవాడు. ఉద్యోగం వచ్చిన తరువాత వారిలో ఒకరిద్దరికైనా సహాయం చేస్తే బాగుండునని అనిపించేది.

ఎలాగైతేనేమి, చదువు పూర్తి అయిన తరువాత చెన్నైలో మంచి ఉద్యోగం దొరికింది.

ముప్పై ఒకట తేదీన మొదటి నెల జీతం బ్యాంకులో జమ అయినట్లు మొబైల్కి మెసేజి వచ్చింది. శని, ఆదివారాలు సెలవు కావడంతో అమ్మా నాన్నలను చూద్దామని చెన్నై నుంచి తిరుపతికి బయలుదేరబోయాడు. ఇంతలో మొదటి జీతంతో ఒక్క బిచ్చగాడికైనా సహాయం చేయాలనుకున్న విషయం గుర్తుకొచ్చింది.

“ఏ వస్తువు కొని వారికిస్తే వాళ్ల జీవితంలో మార్పు వస్తుంది?" అని ఆలోచనల్లో పడ్డాడు.

 వాట్స్ అప్ చూస్తూ ఉంటే తళుక్కున ఓ వీడియో ప్రత్యక్షమయ్యింది.