ஏர் இந்தியா விமான விபத்துக்கு விமானிகள் தவறு காரணமா?

260 உயிர்களை பலி கொண்ட ஏர் இந்தியா விமான விபத்துக்கு விமானிகளின் தவறு தான் காரணம் என்ற வகையில் விசாரணை அறிக்கை வெளியிடப்பட்டதாகக் கூறி விமானிகள் சங்கம் கடும் கண்டனம் தெரிவித்துள்ளது. மேலும் விபத்துக்கு விமானிகள் தவறு காரணம் என்று சொல்வது ஏற்புடையது அல்ல என விமான போக்குவரத்து நிபுணர்களும் கூறியுள்ளனர்.

- 

கடந்த ஜூன் 12 ஆம் தேதி குஜராத் மாநிலம் அகமதாபாத்தில் இருந்து லண்டனுக்கு புறப்பட்ட ஏர் இந்தியா விமானம் விபத்தில் சிக்கி மருத்துவக் கல்லூரி விடுதி மீது மோதி வெடித்துச் சிதறியது. இந்த கோர விபத்தில் பயணிகள், விமான பணியாளர்கள் உள்ளிட்ட 241 பேர் மற்றும் மருத்துவ கல்லூரி மாணவர்கள் உள்ளிட்ட 19 பேர் என மொத்தம்260 பேர்உயிரிழந்தனர். இந்த விபத்துக்கான காரணம் குறித்து விமான விபத்து புலனாய்வுப் பணியகம் விசாரணை நடத்தி வருகிறது. விபத்து தொடர்பான 15 பக்க அறிக்கை அண்மையில் வெளியாகி பல்வேறு ஊகங்களை கிளப்பியுள்ளது.