விண்வெளி வீரர் சுபான்ஷு சுக்லா நாடு திரும்பினார்

சர்வதேச விண்வெளி நிலையத்துக்கு வரலாற்று சிறப்புமிக்க பயணத்தை மேற்கொண்ட இந்திய விண்வெளி வீரர் சுபான்ஷு சுக்லா, ஞாயிற்றுக்கிழமை அதிகாலை நாடு திரும்பினார்.

- 

புது தில்லி, ஆக.17:

தில்லி விமான நிலையத்தில் திரண்டிருந்த ஏராளமான மக்கள் தேசியக் கொடிகளை அசைத்தும், மேளதாளங்கள் முழங்கியும் அவருக்கு உற்சாக வரவேற்பு அளித்தனர்.

அமெரிக்காவின் 'ஆக்ஸியம் ஸ்பேஸ்' நிறுவனத்தின் 'ஆக்ஸியம்-4' திட்டத்தின் கீழ் கமாண்டரும் நாசா பெண் விஞ்ஞானியுமான பெக்கி விட்சன், போலந்து வீரர் ஸ்லாவோஸ் உஸ்னான்ஸ்கி விஸ்னீவ்ஸ்கி, ஹங்கேரி வீரர் திபோர் கபு ஆகியோருடன் இணைந்து சுபான்ஷு சுக்லா சர்வதேச விண்வெளி நிலையத்துக்குப் பயணித்தார்.