துணைவேந்தர் நியமன விவகாரம்: கேரள ஆளுநருக்கு உச்சநீதிமன்றம் அறிவுறுத்தல்

கேரளத்தில் இரண்டு பல்கலைக்கழகங்களின் துணைவேந்தர்களை நியமிப்பது தொடர்பாக ஓய்வு பெற்ற நீதிபதி சுதான்ஷு தூலியா தலைமையிலான குழு சமர்ப்பித்த அறிக்கையை மாநில ஆளுநர் ராஜேந்திர விஸ்வநாத் ஆர்லேகர் ஆராய்ந்து முடிவு எடுக்காததற்கு உச்சநீதிமன்றம் வெள்ளிக்கிழமை கடும் அதிருப்தி தெரிவித்தது.

- 

அந்த அறிக்கை தொடர்பாக ஆளுநர் ஆர்லேகர் ஒரு வாரத்தில் முடிவு எடுக்க வேண்டும் என்றும் உச்சநீதிமன்றம் அறிவுறுத்தியது.

கேரள ஆளுநரும், அந்தப் பல்கலைக்கழகங்களின் வேந்தருமான ஆர்லேகர் உச்சநீதிமன்றத்தில் தாக்கல் செய்த மனுவில் தெரிவித்ததாவது: கேரளத்தில் உள்ள ஏ.பி.ஜெ. அப்துல் கலாம் தொழில்நுட்பப் பல்கலைக்கழகம், கேரள டிஜிட்டல் அறிவியல் தொழில்நுட்பப் பல்கலைக்கழகம் ஆகியவற்றுக்கு துணைவேந்தர்களை நியமிக்க தகுதிவாய்ந்த தவர்களைத் தேர்வு செய்து பெயர்ப்பட்டியலை இறுதி செய்யும் குழுவின் தலைவராக, ஓய்வு பெற்ற உச்சநீதிமன்ற நீதிபதி சுதான்ஷு தூலியாவை கடந்த ஆக.18-ஆம் தேதி உச்சநீதிமன்றம் நியமித்தது.