கட்சிப் பணியாற்ற முடியாதவர்கள் ஓய்வு பெற்றுவிடலாம்

கட்சியில் பொறுப்புடன் பணியாற்ற முடியாதவர்கள் பதவியில் இருந்து விலகி ஓய்வு பெற்றுவிடலாம் என்று காங்கிரஸ் தேசிய தலைவர் மல்லிகார்ஜூன கார்கே அறிவுறுத்தினார்.

- 

அகமதாபாத், ஏப். 9:

குஜராத் மாநிலத்தில் சபர்மதி நதிக்கரையில் புதன்கிழமை நடைபெற்ற அகில இந்திய காங்கிரஸ் கமிட்டி கூட்டத்தில் தொடக்க உரையாற்றி அவர் பேசியதாவது:

500 ஆண்டுகளுக்கு முன்பு முடிந்து போன விஷயங்களை எல்லாம் மீண்டும் எழுப்பி பாஜக மதவாத அரசியல் செய்கிறது. நாடு எதிர்கொண்டுள்ள பிரச்னைகளை தீர்க்க வழி தேடாமல், மக்கள் இடையே மோதலையும், வெறுப்பையும் பரப்பி ஆதாயம் தேடி வருகின்றனர். இதை ஒருபோதும் ஆதரிக்கக் கூடாது.