மகாவீரர் ஜெயந்தி: முதல்வர் வாழ்த்து

மகாவீரர் ஜெயந்தியை முன்னிட்டு சமண மதத்தைச் சேர்ந்த அனைவருக்கும் முதல்வர் மு.க.ஸ்டாலின் மற்றும் அதிமுக பொதுச் செயலரும், எதிர்க்கட்சித் தலைவருமான எடப்பாடி பழனிசாமி ஆகியோர் வாழ்த்து தெரிவித்துள்ளனர்.

- 

சென்னை, ஏப்.9:

முதல்வர் மு.க.ஸ்டாலின்: இந்தியாவில் நிலைபெற்றுள்ள பழம்பெரும் சமயங்களில் ஒன்று ஜைனம் என்னும் சமண சமயம். அதன் 24-ஆவது மற்றும் இறுதித் தீர்த்தங்கரரான வர்த்தமான மகாவீரர், அரச குடும்பத்தில் பிறந்தவர். ஆயினும் அரச குடும்ப செல்வச் செழிப்பை வெறுத்தவர். ஏழை, எளியோரின் வாழ்க்கைச் சூழ்நிலைகளை உணர்ந்து அவர்கள் மேம்பாட்டிற்காகச் சிந்தித்தவர்.