புதுவை பொருளாதார வளர்ச்சி 8.81 சதவிகிதமாக உயர்வு

புதுவையின் பொருளாதார வளர்ச்சி கடந்த 4 ஆண்டுகளில் 8.81 சதவிகிதமாக உயர்ந்துள்ளதாக, சுதந்திர தின விழாவில் முதல்வர் என்.ரங்கசாமி பெருமிதத்துடன் தெரிவித்தார்.

- 

புதுச்சேரி, ஆக.15:

புதுச்சேரி கடற்கரை சாலை காந்தி திடல் அருகே வெள்ளிக்கிழமை நடைபெற்ற 79-ஆவது சுதந்திர தினவிழாவில், தேசியக் கொடியை ஏற்றி வைத்து, முதல்வர் ரங்கசாமி பேசியது:

2020-21இல் 2.21 சதவிகிதமாக இருந்த புதுவை மாநிலத்தின் பொருளாதார வளர்ச்சியை 8.81 சதவிகிதமாக உயர்த்தியுள்ளோம். நீடித்த வளர்ச்சிக்கான இலக்குகளில் இந்திய குறியீட்டின் அளவுப்படி புதுவையை இரண்டாவது இடத்துக்குக் கொண்டு வந்துள்ளோம்.

மேலும், புதுச்சேரி யூனியன் பிரதேசத்தின் வருவாய் ஆதாரம் 2020-21 இல் 8,418.96 கோடியாக இருந்தது. இதை கடந்த நான்கு ஆண்டுகளில் ரூ.12,342.51 கோடியாக உயர்த்தி, 46.60 சதவிகித வளர்ச்சியை அடையச் செய்திருக்கிறோம்.