எஸ்ஐஆர் பணிப் புறக்கணிப்பை வாபஸ் பெற்ற வருவாய்த் துறையினர் ஊதியம் இரட்டிப்பு: அரசாணை வெளியீடு

வாக்குச்சாவடி நிலை அலுவலர்கள் (பிஎல்ஓ), மேற்பார்வையாளர், வாக்குப் பதிவு அலுவலர்களுக்கான ஊதியம் இரட்டிப்பாக்கப்பட்டதால், எஸ்ஐஆர் பணிப் புறக்கணிப்புப் போராட்டத்தை தமிழ்நாடு வருவாய்த் துறை அலுவலர் சங்கங்களின் கூட்டமைப்பு (பெரா) திரும்பப் பெற்றது.

- 

வாக்காளர் பட்டியல் சிறப்பு தீவிர திருத்தப் பணிகளால் பணிச்சுமை அதிகரிப்பதாகவும், பணிக்குத் தகுந்த ஊதியம் வழங்கப்படவில்லை என்றும் கூறி செவ்வாய்க்கிழமை (நவ. 18) முதல் எஸ்ஐஆர் பணிகளைப் புறக்கணித்து 'பெரா' சார்பில் போராட்டம் நடத்தப்பட்டது.

இந்நிலையில், வருவாய்த் துறை கூடுதல் தலைமைச் செயலர் பெ.அமுதா, வருவாய் நிர்வாக ஆணையர் எம். சாய்குமார் ஆகியோர் பெரா மாநில ஒருங்கிணைப்பாளர்களை செவ்வாய்க்கிழமை இரவு அழைத்துப் பேசினர். அப்போது கூடுதல் ஊதியம் வழங்கவும், பணி நெருக்கடிகள் தொடராது என்றும் உறுதியளித்தனர்.