உளவுத் துறை அறிக்கையைத் தொடர்ந்து மோடி காஷ்மீர் பயணத்தை ரத்து செய்தார்

மல்லிகார்ஜுன கார்கே குற்றச்சாட்டு

- 

பஹல்காம் தாக்குதலுக்கு மூன்று நாள்களுக்கு முன்பாக பயங்கரவாதத் தாக்குதல் தொடர்பான உளவுத்துறை அறிக்கையைத் தொடர்ந்து பிரதமர் மோடி தனது ஜம்மு-காஷ்மீர் பயணத்தை ரத்து செய்ததாக காங்கிரஸ் தலைவர் மல்லிகார்ஜுன கார்கே குற்றம் சாட்டியுள்ளார்.

ஜார்க்கண்ட் மாநிலத் தலைநகர் ராஞ்சியில் 'அரசியல் சாசனத்தைக் காப்போம்' என்ற பெயரில் காங்கிரஸ் கட்சி செவ்வாய்க்கிழமை பேரணி ஒன்றை நடத்தியது. இதில் பங்கேற்று அக்கட்சித் தலைவர் மல்லிகார்ஜுன கார்கே பேசியதாவது:

பஹல்காம் தாக்குதலுக்கு மூன்று நாட்களுக்கு முன்பாக ஜம்மு-காஷ்மீரில் பயங்கரவாதத் தாக்குதல் நடைபெறப் போவதாக பிரதமர் மோடிக்கு தகவல் கிடைத்தது. அது தொடர்பாக உளவுத்துறை அவருக்கு அறிக்கை அளித்தது. இதையடுத்தே அவர் தனது ஜம்மு-காஷ்மீர் பயணத்தை ரத்து செய்தார்.

காஷ்மீருக்கு செல்வது உங்கள் பாதுகாப்புக்கு உகந்தது அல்ல என்று உளவுத்துறை அறிக்கை கூறும்போது, மக்களைக் காப்பதற்காக அது குறித்து நீங்கள் (மோடி) ஏன் பாதுகாப்புப் படையினர், உள்ளூர் போலீஸார், எல்லைப் பாதுகாப்புப் படையினர் ஆகியோருக்கு தகவல் அளிக்கவில்லை?