குறை, வினை, பயம் நீக்கும் குணசீலன்

பக்தர்களுக்காக நாராயணன் தன் நிலையிலிருந்து கீழிறங்கி வந்து குணப்படுத்தும் இடமே குணசீலம்.

- இரா.இரகுநாதன்

பவிஷ்ய புராணத்தில், குணசீல மகாத்மியில் இத்தலச் சிறப்பு விளக்கப்படுகிறது.

திருப்பைஞ்ஞீலிவனத்தில் எழுந்த ருளி தவம் செய்த தால்பிய மகரிஷிக்கு குணசீல மகரிஷி சீடர். இருவரும் இமயம், வடதேசங்களுக்கு யாத்திரை சென்று திரும்புகையில் திருமலையில் தரிசித்து திருப்பைஞ்ஞீலியிடம் திரும்பினர்.

காவிரி நீராடி ஏழுமலையான் நினைவோடு கடும் தவத்தில் ஈடுபட்ட குணசீல மகரிஷியின் ஆசிரமத்துக்கு உபய நாச்சியார்களுடன் கருடன் மீதமர்ந்து எழுந்த தருளினார் பெருமாள். 'மத்திய திருப் பதி' எனும் பெயரால் இங்கு எழுந்தருள வேண்டும்' என குணசீல மகரிஷி வேண்டினார்.

ஸ்ரீபிரசன்ன வேங்கடேசப் பெருமாள் என்ற பெயரோடு, அர்ச்சாவூரவில் சங்கு, சக்கரம், வரதம், கடிக ஹஸ்தம் கொண்டவராக கையிலே கோல் தாங்கி 'ராஜாவேங்கடநாதனா'க திருமார்பில் திருமகளோடு எழுந்தருளி காட்சி கொடுத்தார் பெருமாள். குணசீல மகரிஷிக்கு காட்சி தந்த தலமாதலால் 'குணசீலம்' எனப்படுகிறது.

மூலவர் ஸ்ரீபிரசன்ன வெங்கடாஜலபதி என்ற திருநாமத்துடன் அருள்கிறார். உற்சவர் ஸ்ரீதேவி பூமிதேவியுடன் ஸ்ரீனிவாசப் பெருமாளாகவே திருவருள் புரிகிறார்.