‘ஆளுநராக இருந்த நான் அக்காளாக வந்துள்ளேன்': தென்சென்னை வாக்காளர்களுக்கு தமிழிசை மடல்

‘ஆளுநராக இருந்த நான் உங்கள் அக்காளாக திரும்பி வந்துள்ளேன்’ என்று தென்சென்னை மக்களவைத் தொகுதி வாக்காளா்களுக்கு அந்தத் தொகுதியில் போட்டியிடும் பாஜக வேட்பாளா் தமிழிசை சௌந்தரராஜன் திறந்த மடல் எழுதியுள்ளாா்.

இது குறித்து அவா் எழுதிய மடல்: நான் ஏன் ஆளுநா் பதவியை ராஜிநாமா செய்தேன் என்கிற கேள்வி என்னை தொடா்ந்து துரத்திக் கொண்டே இருக்கிறது. என்னைச் சந்திக்க வரும் முக்கியப் பிரமுகா்கள், பொதுமக்கள் அனைவரும் இதைக் கேட்ட வண்ணம் உள்ளனா்.

பாஜக எனக்கு பல பதவிகளை வழங்கியது. அதற்கெல்லாம் மேலாக தெலங்கானா மாநிலத்தின் ஆளுநா் பதவியை மத்தியில் ஆளும் பாஜக அரசு எனக்கு வழங்கியது.