மாறிவரும் பாதுகாப்புச் சூழலுக்கு ஏற்ப திறன்களை மேம்படுத்த வேண்டும்: விமானப் படை தளபதி

உலகில் தற்போது நிலவி வரும் சிக்கலான, மாறிவரும் பாதுகாப்புச் சூழலுக்கு ஏற்ப தனது வியூகங்களை விமானப் படை வகுத்துக்கொள்வதுடன், அனைத்து நிலையிலான திறன்களை மேம்படுத்த வேண்டும் என விமானப் படை தளபதி வி.ஆா்.செளதரி வலியுறுத்தினாா்.

- 

இந்திய விமானப் படையின் 91-ஆவது நிறுவன தினம் ஞாயிற்றுக்கிழமை கொண்டாப்பட்டது. இதையொட்டி, உத்தர பிரதேசத்தின் பிரயாக்ராஜில் நடைபெற்ற நிகழ்வில் விமானப் படை தளபதி வி.ஆா்.செளதரி பேசியதாவது: தற்போதைய புவிசாா் அரசியல் சூழல், உள்நாட்டிலேயே ஆயுதங்களை மேம்படுத்தும் திறனை நமக்கு வழங்கியுள்ளது. இதனால், ஆயுதங்களுக்காக இறக்குமதியைச் சாா்ந்திருக்கும் வாய்ப்பு குறைந்துள்ளது.