આ પક્ષ આમ ને આમ ચાલતો રહેશે?

અમેરિકી પ્રમુખ તરીકે આઠ વર્ષના શાસનકાળમાં બે-ચાર વાર મળીને બરાક ઓબામાએ રાહુલ ગાંધીને બરાબર ઓળખી કાઢયા અને એમની અણઆવડત પારખી લીધી, પરંતુ વર્ષોથી રાહુલની આસપાસ ઘૂમતા રહીને એમની કુર્નિશ બજાવતા કોંગ્રેસી આગેવાનો હજી એ વાસ્તવિકતા સમજવા કે સ્વીકારવા તૈયાર નથી. સેનાપતિ બનવું હોય તો નેતૃત્વશક્તિ હોવી જોઈએ. બધાને પ્રકૃતિદત્ત ક્ષમતા ન હોય તો એ કેળવવી પડે. આ ભાઈને તો ગાદી વારસામાં મળી છે તોય આગેવાની લેવાની સૂઝબૂઝનાં ફાંફાં છે.