விற்பனையை இரட்டிப்பாக்கத் திட்டம் சென்னையில் புதிதாக 2 இடங்களில் ஆவின் பால் உற்பத்தி மையங்கள்!

சென்னை மாதவரம், அச்சிறுப்பாக்கத்தில் 2 புதிய ஆவின் பால் பண்ணைகள் மார்ச் மாதத்தில் செயல்படத் தொடங்கும் என அறிவிக்கப்பட்டுள்ளது. இதன் மூலம் பால் விற்பனையை இரட்டிப்பாக்கத் திட்டமிடப்பட்டுள்ளது.

- 

மக்களின் அத்தியாவசிய உணவாக பால் உள்ளது. குழந்தைகள் முதல் பெரியவர்கள் வரை பாலை அதிக அளவில் பயன்படுத்தி வருகின்றனர். இந்த நிலையில் தமிழ்நாடு கூட்டுறவு பால் உற்பத்தியாளர்கள் சங்கம் ஆவின் என்ற பெயரால் செயல்பட்டு வருகிறது. தமிழக அரசின் பால்வளத்துறையின் கீழ் செயல்படும் பொதுத்துறை நிறுவனமான இதன் மூலம் பால் கொள்முதல், பதப்படுத்துதல், குளிரூட்டி பாதுகாத்தல், விற்பனை ஆகியவை மேற்கொள்ளப்படுகிறது. அதன்படி பல்வேறு வகையான பால் பாக்கெட்களை ஆவின் நிறுவனம் விற்பனை செய்து கொண்டிருக்கிறது. இதற்கு போட்டியாக தனியார் நிறுவனங்களும் விற்பனையை அதிகரித்து வருகின்றன. இருந்தாலும் ஆவின் நிறுவனம் தான் குறைந்த விலைக்கு பொதுமக்களுக்கு பாலை விற்பனை செய்து வருகிறது.