மார்ச் 15,16-இல் மாவட்ட அளவிலான இளையோர் நாடாளுமன்ற பேச்சுப் போட்டி

சிவகங்கை மாவட்ட அளவிலான இளையோர் நாடாளுமன்ற பேச்சுப் போட்டிகள் வருகிற 15, 16 ஆகிய தேதிகளில் காரைக்குடி அழகப்பா அரசு கலைக் கல்லூரியில் நடைபெற உள்ளது.

- 

சிவகங்கை, மார்ச் 6:

இதுகுறித்து சிவகங்கை மாவட்ட நேரு இளையோர் மைய ஒருங்கிணைப்பாளர் பிரவின்குமார் வெளியிட்ட செய்திக் குறிப்பு: இந்திய அரசின் இளையோர் நலன், விளையாட்டு அமைச்சகத்தின் கீழ் இயங்கும் நேரு இளையோர் மையத்தின் சார்பில், கடந்த 2019 ஆம் ஆண்டு முதல் ஒவ்வொரு ஆண்டும் தேசிய இளையோர் நாடாளுமன்ற போட்டிகள் நடத்தப்பட்டு வருகின்றன. கடந்த ஆண்டு இந்தப் போட்டிகள் மாவட்ட, மாநில அளவில் இணையதளம் வழியாக நடைபெற்றன. இந்த ஆண்டில் போட்டியாளர்கள் நேரடியாகப் பங்கேற்கும் வகையில் நடத்தப்பட உள்ளன.