மாநில சீனியர் நீச்சல்: ஏசஸ் அணி சாம்பியன்

சென்னையில் நடைபெற்ற மாநில சீனியர் நீச்சல் போட்டியில் ஏசஸ் அணி மொத்தம் 262 புள்ளிகளுடன் ஒட்டுமொத்த சாம்பியன் பட்டத்தை வென்றது.

- 

சென்னை, ஜூன் 8:

தமிழ்நாடு மாநில சீனியர் நீச்சல் போட்டிகள் சென்னையில் வேளச்சேரி எஸ்.டி.ஏ.டி. நீச்சல் குள வளாகத்தில் 3 நாள்கள் நடைபெற்றன.

இதன் இறுதி நாளான ஞாயிற்றுக்கிழமை 3 புதிய மீட் சாதனைகள் படைக்கப்பட்டன.

சீனியர் ஆடவர் 50மீ. பட்டர்பிளை நீச்சலில் டி.டி.எஸ்.ஏ. திருநெல்வேலி வீரர் பெனடிக்டன் ரோகித் பந்தய தொலைவை 24.21 விநாடிகளில் கடந்து புதிய மீட்சாதனை படைத்தார்.

ஆடவர் 100மீ. பேக் ஸ்ட்ரோக் நீச்சலில் டர்ட்டில்ஸ் அணி வீரர் நிதிக் நாதெள்ளா பந்தய தொலைவை 58.73 விநாடிகளில் கடந்து புதிய மீட் சாதனை படைத்தார்.