தாது மணல் முறைகேடு வழக்கு: 15 இடங்களில் சிபிஐ அதிகாரிகள் சோதனை

தாது மணல் முறைகேடு வழக்கு தொடர்பாக, தமிழகம் முழுவதும் தனியார் கனிம நிறுவனங்களுக்குச் சொந்தமான ஆலைகள், அலுவலகங்கள், தொடர்புடையவர்களின் வீடுகள் என சுமார் 15 இடங்களில் சிபிஐ அதிகாரிகள் சனிக்கிழமை சோதனை நடத்தினர்.

- 

சென்னை, ஏப். 5: தாது மணல் முறைகேடு வழக்கு தொடர்பாக, தமிழகம் முழுவதும் தனியார் கனிம நிறுவனங்களுக்குச் சொந்தமான ஆலைகள், அலுவலகங்கள், தொடர்புடையவர்களின் வீடுகள் என சுமார் 15 இடங்களில் சிபிஐ அதிகாரிகள் சனிக்கிழமை சோதனை நடத்தினர்.

திருநெல்வேலி, தூத்துக்குடி, கன்னியாகுமரி மாவட்டங்களில் கடற்கரையோரங்களில் மணலிலிருந்து இல்மனைட், ரூட்டைல்ஸ், சிர்கோன், மோனோசைட் உள்ளிட்ட கனிம வளங்களை சட்டவிரோதமாக எடுப்பதாக 2013-ஆம் ஆண்டு புகார் எழுந்தது. அந்த 3 மாவட்டங்களிலும் கடற்கரை யோரங்களில் தாது மணல் எடுக்க தமிழக அரசு தடை விதித்தது.

ஐஏஎஸ் அதிகாரி ககன்தீப் சிங் பேடி தலைமையில் அமைக்கப்பட்ட ஒரு நபர் குழு, சட்டவிரோதமாக மணல் எடுக்கப்பட்டதால் அரசுக்கு பல ஆயிரம் கோடி ரூபாய் இழப்பு ஏற்பட்டதாக அறிக்கை அளித்தது. அந்த அறிக்கையின் அடிப்படையில், மாநிலம் முழுவதும் கடற்கரை மணலை எடுப்பதற்கு தமிழக அரசு தடை விதித்தது.