தில்லி செங்கோட்டை குண்டுவெடிப்பு வழக்கு: 4 பேரைக் காவலில் எடுத்து என்ஐஏ விசாரணை

தில்லி செங்கோட்டை குண்டுவெடிப்பு வழக்கில், 3 மருத்துவர்கள் உள்பட 4 பேரை தேசிய புலனாய்வு முகமை (என்ஐஏ) காவலில் எடுத்துள்ளது. இவர்களையும் சேர்த்து, இந்த வழக்கில் என்ஐஏ காவலில் எடுத்து விசாரிக்கும் நபர்களின் எண்ணிக்கை 6-ஆக உயர்ந்துள்ளது.

- 

தில்லி, செங்கோட்டை பகுதியில் கடந்த 10-ஆம் தேதி கார் ஒன்று வெடித்துச் சிதறியதில் 15 பேர் இறந்தனர்; பலர் காயமடைந்தனர். தில்லி காவல் துறையால் தொடக்கத்தில் வழக்குப் பதிவு செய்யப்பட்டாலும், இதில் பயங்கரவாத சதித் திட்டம் இருப்பதன் காரணமாக மத்திய உள்துறை அமைச்சகத்தின் உத்தரவுப்படி வழக்கு என்ஐஏ-க்கு மாற்றப்பட்டது.