மழை-வெள்ளம்: உத்தரகண்ட் மாநிலத்துக்கு ரூ.1,200 கோடி

மழை-வெள்ளத்தால் பாதிக்கப்பட்டுள்ள உத்தரகண்ட் மாநிலத்துக்கு ரூ.1,200 கோடி நிவாரண நிதி வழங்கப்படும் என்று பிரதமர் நரேந்திர மோடி தெரிவித்தார்.

- 

டேராடூன், செப். 11:

இமயமலையையொட்டிய உத்தரகண்டில் கடந்த சில வாரங்களாக மேகவெடிப்புகள் ஏற்பட்டு, பலத்த மழை கொட்டித் தீர்த்தது. மாநிலத்தின் பல்வேறு பகுதிகளில் பெருவெள்ளமும், நிலச்சரிவுகளும் ஏற்பட்டன. குறிப்பாக உத்தரகாசி, சமோலி, ருத்ரபிரயாகை, பாகேஸ்வர், நைனிடால் ஆகிய மாவட்டங்களில் கடுமையான சேதங்கள் நேரிட்டுள்ளன.

உத்தரகண்டில் கடந்த ஏப்ரலில் இருந்து நீடித்துவரும் இயற்கைப் பேரிடரில் இதுவரை 85 பேர் உயிரிழந்துவிட்டனர்; 128 பேர் காயமடைந்தனர். மேலும் 94 பேரை காணவில்லை என்று மாநில அரசுத் தரப்பில் தெரிவிக்கப்பட்டுள்ளது.