சமூக ஊடகப் பதிவுகளை ஒழுங்குபடுத்த தன்னாட்சி அமைப்பு தேவை

சமூக ஊடகங்கள் உள்பட இணையதளங்களில் அவதூறான அல்லது சட்டவிரோத பதிவுகள் மேற்கொள்ளப்படுவதை தடுத்து ஒழுங்குபடுத்த 'நடுநிலையான, சுதந்திரமான மற்றும் தன்னாட்சியான' அமைப்பு தேவை என உச்சநீதிமன்றம் வியாழக்கிழமை தெரிவித்தது.

- 

மாற்றுத்திறனாளிகளை கேலி செய்யும் வகையிலான பதிவுகளை யூடியூப் நிகழ்ச்சி ஒன்றில் வெளியிட்ட பாலிவுட் நகைச்சுவை நடிகர் சமய் ரெய்னா உள்ளிட்ட 5 பேர் மீது கடும் நடவடிக்கை எடுக்கக் கோரி எஸ்எம்ஏ க்யூர் அறக்கட்டளை சார்பில் உச்சநீதிமன்றத்தில் மனு தாக்கல் செய்யப்பட்டது.

க்யூர் அறக்கட்டளை முதுகெலும்பு தசைச் சிதைவால் பாதிக்கப்பட்டவர்களுக்கு உதவும் அரசு சாரா அமைப்பாகச் செயல்பட்டு வருகிறது.

இந்த மனுவை உச்சநீதிமன்றத் தலைமை நீதிபதி சூர்ய காந்த் மற்றும் ஜயமால்ய பாக்சி ஆகியோர் அடங்கிய அமர்வு வியாழக்கிழமை விசாரித்தது.