அண்ணா பல்கலை. மாணவி பாலியல் வழக்கு: ஞானசேகரன் மீது குற்றப்பத்திரிகை தாக்கல்

அண்ணா பல்கலைக்கழக மாணவி பாலியல் வன்கொடுமை செய்யப்பட்ட வழக்கில் கைது செய்யப்பட்ட ஞானசேகரனுக்கு எதிராக சிறப்பு புலனாய்வு குழுவினர் திங்கள்கிழமை குற்றப்பத்திரிகை தாக்கல் செய்தனர்.

- 

சென்னை அண்ணா பல்கலைக்கழக வளாகத்தில் மாணவி பாலியல் வன்கொடுமை செய்யப்பட்ட வழக்கில், கோட்டூர்புரத்தைச் சேர்ந்த ஞானசேகரன் கடந்த டிசம்பர் மாதம் கைது செய்யப்பட்டார். இவ் வழக்கில், சென்னை உயர்நீதிமன்ற உத்தரவின்படி 3 பெண் ஐபிஎஸ் அதிகாரிகள் தலைமையில் சிறப்பு புலனாய்வு குழு (எஸ்ஐடி) அமைக்கப்பட்டு விசாரணை நடைபெறுகிறது.

இந்தக் குழுவினர் மாணவி பாலியல் வன்கொடுமை வழக்கு மற்றும் அது தொடர்பான முதல் தகவல் அறிக்கை (எஃப்ஐஆர்) வெளியான விவகாரம் குறித்து தனித்தனியாக விசாரிக்கின்றனர். வழக்குக்கான ஆதாரங்களையும், தடயங்களையும், சாட்சிகளையும் திரட்டும் வகையில் ஞானசேகரனை சிறப்பு புலனாய்வு குழு, ஒரு வாரம் தங்களது காவலில் எடுத்து விசாரித்தது.